Хятадад аялахдаа анхаарах зүйлс

Хятад орон руу аялахаасаа өмнө мэдэх зүйлсийг энэхүү нийтлэлээрээ танилцуулж байна. 1 Бичиг баримтаа биедээ ойрхон авч яваарай: Хятадын зарим нэг том хотуудаар аялах гэж байгаа бол галт тэрэг, метроны буудлуудад байнга ачаа тээшээ шалгуулах бэлтгэлтэй байх хэрэгтэй. Онгоцны буудал, хурдны галт тэрэгний томоохон буудлуудад шаардлагатай гэж үзвэл, ямар нэг шалтгаангүйгээр таны бичиг баримтыг шалгах эрх цагдаа нарт байдаг учраас биедээ паспортоо авч явахыг зөвлөе. 2.Төлбөр тооцоогоо яаж хийх вэ? Хятад бэлэн мөнгө авч явах хүмүүс УБ-аас явахаасаа өмнө мөнгөө солиулаад аваад яваарай. Замын Үүдэд очоод солих цаг гарахгүй Хятад руу явахаасаа урьтаж гар утсандаа Alipay суулгаад, ашиглаж сураарай. Wechat-ын хувьд заавал хятад банкны данстай байхыг шаарддаг. Харин банканд данс нээлгэхийн тулд Хятадад оршин суух тусгай ангиллын эрхтэй байх ёстой учраас хэрэглэх боломж нь хязгаарлагдмал юм . 3 Усны хувцас болон хэрэглэх зарим зүйлсээ бэлдэх: Усан парк орох бол усны хувцасаа бэлдээд аваад явахыг зөвлөж байна. Очоод тэндээсээ усны хувцас авна гэвэл нилээн үнэтэй байдаг шүү. 4.Хятад сим заавал аваарай: Эрээнээс цааш интернет сүлжээ тасардаг тул та нар маань Эндээс Esim авах боломжтой. Esim-ашиглаж байгаа тохиолдолд хаана ч явж байсан сүлжээтэй байдгаараа давуу талтай https://www.dsim.mn/#/ та эндээс Esim-ээ авах боломжтой 5.VPN буюу виртуал сүлжээ татах: Хятад дугаар авч интернэтэд холбогдсон ч VPN буюу виртуал хувийн сүлжээ байхгүй бол та зөвхөн wechat болон бусад хятад аппликэйшнийг л ашиглах боломжтой. Тиймээс Хятадын хил давахаас өмнө анхаарах ёстой гол зүйл бол найдвартай VPN утсандаа суулгах юм. Тиймээс 5-10 долларын үнэтэй байдаг төлбөртэй VPN суулгахыг зөвлөж байна./Star, Aox гэх мэт VPN үнэгүй/ 6.Аяллын даатгал хийлгээрэй. Ямар нэгэн эрсдэлээс үүдэн гарсан хохирлыг даатгалын компаниар нөхөн төлүүлэх боломжтой хамгаалалт юм.Тиймээс аяллын даатгал заавал хийлгэхийг санал болгож байна.